ДЭЛХИЙД ДАНСТАЙ МИНИЙ ДӨРВӨЛЖИН

Ая: Э.Хүрэлбаатар /Завхан аймгийн ХДТ-ын хуурч, ая зохиогч, Дөрвөлжин сумын уугуул/       
Үг: Ч.Батдөл / Завхан аймгийн Дөрвөлжин сумын уугуул хуульч/             
Дуулсан Б.Буньяа  /Завхан аймгийн Дөрвөлжин сумын уугуул СУИС-ын оюутан/




                        Дэлхийд данстай миний  Дөрвөлжин

Хан бүргэдийн хийморь тахилгатай
Халхын овоонд нь хутагтын мөртэй
Нар сарны сүүн даллагатай
Намхан уулс нь малын үнэртэй

       Дахилт: Дээрээс наран ойрхон байдаг
                    Дээдэс хутагтын минь өссөн нутаг
                    Дэрстэй толгод нь намраар цэцэглэдэг
                    Дэлхийд данстай миний л нутаг аа 

Заяа түвшин Завхан мөрөн нь
Замын хүнийг ундаалсан түүхтэй
Тэнгэрийн дээд Цагаан овоотой
Дэлхийн хүмүүс шүтдэг үнэнтэй

        Дахилт: Дээрээс наран ойрхон байдаг
                     Дээдэс хутагтын минь өссөн нутаг
                     Дэрстэй толгод нь намраар цэцэглэдэг
                     Дэлхийд данстай миний л нутаг аа 

Гангар цагаан Айрагийн нуруунд нь
Гандаа нь үгүй өвгөдийн минь үнэртэй
Газрын холоос гүйсэн домогтой
Гантиган сахиустай Сар хайрхантай

         Дахилт:Дээрээс наран ойрхон байдаг
                     Дээдэс хутагтын минь өссөн нутаг
                     Дэрстэй толгод нь намраар цэцэглэдэг
                     Дэлхийд данстай миний л  нутаг  аа